Why Is Dating with Somali gay guys So Freaking Hard? Maxay u adeg tahay shukaan-siga Somali-da dhexdeedu?

Tiro aan yarayn oo khaniisin somaliyeed ah, ayaa meel walba ka buux-da, facebook-gana, hadal-kiisaba da'aa oo wuxu noqday meel wasmo, gus iyo futo, top iyo bottom uun lagaga hadlo. waxan marar badan is weydiiyay. Marka wasmo laga yimaado, maxa loo waayay wiilal isla hasaawa, is jeclaada oo xata is guursada oo somaaliyeed??? Jawaab waan u waayay.
Waxa jira qaar badan oo aduun-ka dacaladiisa jooga oo internet-ka is bartay halkaasna ku wada xidhiidha iyo waliba qaar is waca. hase yeshe wax natiijo ah oo la taban karo aan samayn. Marka laga yimaado telefoono la isku diro oo sacado badan qata, oo intiisa badan sheeko dumareed iyo waa la is wasay waxan ahayn looga hadlin. 

Waxan waraystay mar wiil aan asxaab nahay oo ah qolyahan ku ba'an maweelada khaniisiin-ta. waxan waydiiyay, ninyahow, horta maxad ka hesha sheeko baralayda khanisiin-ta hadaanad wax micno ah ka keenayn. Intu qoslay ayaa wuxu igu dhahay, sxbow khaniisin-ta sheekadooda wakhtiga ayaan isku dhaafiya, waxan ku dhahay, way badan tahay wax badan oo wakhtiga lagu dilo, ee maxad ka fa'iidaysa, qof xata anaad magacaga runta ah u sheegin, tel-kaaga runta ah hayn oo mid beena aad kala hadasho. Wuxu igu jawaabay, Aniga uun maha ee iyaga oodhan ayaa nooca ah. Marka anigii waxa igu adkaatay in aan fahmo. qof sida u wakhtiga ugu luminayo, sheeko ma dhalays ah. Ma u jeedo in qof walba oo aad barato aad jacayl iyo hasawe u barato. Lakiin macnahaygu waxa weeye, xata sxbo qaali ah oo aad waayo arag-nimada noolasha wadaagtan waad heli kartaana. Maad dacad isku noqotaan oo aad beenta iska dhaaftan????

Lama dafiri karo in ay jiraan qaar tiro yar oo iyagu xaga runta iyo noolol yagleel u dhaqaaqay oo u bahan in la boogadiyo, iyagana waxan leeyahay hore u socda oo sidaad dacad iskugu tihiin, bulshadana tusa oo ha la arko in ay jiraan khaniisin is jecel oo reero leh oo somaaliyeed. xata waxay dhiiri galin u noqon karta kuwa idinka danbeeya ee baqanaya.

Waxan ogahay in badan oo inaga mid ah in ay quus ka yihiin, suuro gal-ka khaniis somaali ah oo aad noolol wadaagtan in aad Internet-ka ka heli karto. Anigu waxan qaba waa sahal, waana suuro gal haddi aad naftiina runta aad u sheegtan oo aa khaniis-nimadiina aqbashan.  Guul ka weyn in u qofku naftiisa aqbalo ma jirto

Qalinkii: Ahmed Somali

Wixi aragti ah, talo ama faalo ah, halkan ku soo gudbi ama email ahaan igu soo dir:

handsomeswed@gmail.com
https://twitter.com/Somali_Gay
https://www.facebook.com/iiwaydii

Don't lie to yourself!!! Naftaada been ha u sheegin.

In aad naftaada iyo bulshada run kula noolato waa muhiim. Maxa yeelay waxay runtu ku sahlaysa xalinta dhibatoyiin-kaaga gar ahaaneed iyo kuwa aad bulshada la wadaagto. Qirashada dhib jirta waa xal-ka badhkiis, lakiin haddi anaad qirsanaynba in ay dhib jirto, xalna ka hadalkii waa mid aan jiriinba. 

Dhalinyar badan oo khanisiin ah oo inaga mid ah waxay naftooda kula nool yihiin been, taas oo aad ugu adkaysay noolasha. 

Dhawaan waxan booqday Magalada Oslo ee caasimada dal-ka Norway, halkaas oo u degan yahay wiil aan hadeer hasaawe noo socdo. Wiilkaas waxay asxaab yihiin wiil Falastiini ah oo khaniis ah, waligii wiil mooye, gabadh ma arkin, xata xubinta dumar-ka looga tago meel ay ku taal iyo sida ay u eeg tahay film mooye ma arag. Noolashiisa intu oga oodhan khaniis ayuu ahaa. Hadeer waa 30 jir. Waxan aad uga naxay oo runtii aad ii damaqday wiilkaasi wuxu amiinsan yahay in Khaniis la noqda in ay tahay nacdal iyo xumaan, sidaas oo ay tahay habeen iyo maalin-ba gus iyo futo ayuu ka hadlaya. Waxa u ii waydiiyay ka waran haddii walaal-ka ama walaasha ay ku sheegan in ay khaniis yihiin waxad dareemi lahayd, waxan ku dhahay waan ku farxi laha, maxa yeelay, sida ay sariirtooda u seexdan aniga waxba ma yeelayso kalgacayl-ka walaal-tinimo ee aan u hayo. Isaga ayaan su'aashi dib u waydiiyay, wuxu igu jawaabay waan ka xumaan lahaa. Waxan hadal-kiisa ka akhristay laba ariimood. 

1_ in wiilkaasi naftiisa been kula nool yahay oo uu u haysto in aanu isagu khaniis ahayn.

2_ in u wiilkaasi naftiisa neceb yahay, Waayo hadaad inkirsan tahay qof-ka aad tahay, waxad neceb tahay naftaada.

Beentu kaliya maaha tan mararka qaar qofku naftiisa kula nool yahay oo iyadu aad u daran, hase yeshe waxa jirta mid qofku bulshada kula dhaqmo taas oo marka ta hore loo eego samaynteedu ka weyn tahay. Maxa yeelay tan aad naftaada kula nooshahay adiga uun bay wax ku yeesha lakiin tan aad bulshada kula nooshahay, waxay wax yeelaysa adiga iyo bulshada kugu ag xeeranba.

Wiil Soomaliyeed ayaan mar is jeclaanay, been ayuu igu bartay, beentaasi aad ayay u dhawacday xidhiidhkayagii, taas oo markii danbe sabaabtay in u burburo. Waxan amiinsanahay been yar oo daqiiqad sheegta in ay aad u waxyeelayn karto amiinada iyo kalsooni-da aad qofka kale ka haysatay. 2 sano ka hor waxan bartay sxb aad u qaali ah, ilaa mantana ah qof noolashayda aad sxb-tinimadiisa looga tix galiyo ka badan dad aan hortiis aqaanay. Barashadayaadi hore waxay ku bilaabantay been aan ka sheegay qof-ka aan ahay, mudo ka dib markii aan aniga iyo wiilkaasi asxaab nahay ee xidhiidh-kayaga sxb-tinimo xowli dheer jaray, ayaa u qayb kale oo aniga iga mid ah oo anaan u sheegin markaas ka hor u iga ogaaday, aad ayuu uga niyad jabay in aan been u sheegay, shaki la'aana kalsooni-dii uu igu qabay aad ayay u lumisay. Waxan aniguna ka baqay in aan u sheego qayb kale oo noolol maalmeed-kayga ka mid ahayd, si anaan mar kale kalsooni-diisa u waayin. Waxay iga qadatay hal sanno in aan noolol maalmeed-kayga ku badalo si aan u rumeeyo waxan u sheegay oo anaan mar kale kalsooni-diisa u waayin. Marka waxan uga jeeda ma  qiyaasi kartid inta aad qof benu adam ah isla gaadhaysan barasho maalin-ta aad kulmaysan, Marka uma baahnid in aad been u sheegto. Hadaanad rabin in aad wax walba u sheegto, waxad odhan karta ma rabo in hada ku sheego.

Waxan dareema mararka qaar khaniisiinta Soomaali-da in hadal badnidoodu la marto in ay been sheeko kaga dhigan si ay been iskaga ka gadan. Mararka qaar waxad arkaysa qof ku sheegaya waxanad waydiinin oo been ku salaysan. Miyayna ka ficnayn in u kala hadlo wax run ah isagana aan ka waramayn inta u been kugu daldali laha. Ilayn wax laga hadla badane

BEENTAADA HORE, RUNTAADA DANBE AYAY DISHA. MUHIIM MAHA IN AAD QOF WALBA RUNTA U SHEEGTO, LAKIIN WAA MUHIIM IN ANAAD QOFNA BEEN U SHEEGIN. HA KA JAWAABIN SU'AAL, HADAANAD RABIN IN AAD BEEN SHEEGTO.

Qalinkii: Ahmed Somali

Wixi aragti ah, talo ama faalo ah, halkan ku soo gudbi ama email ahaan igu soo dir:

handsomeswed@gmail.com
https://twitter.com/Somali_Gay
https://www.facebook.com/iiwaydii